Goif-Kooperationsrod

Goif-Kooperationsrod

Siez	Riad (Saudi-Arabien)
Amtssproch	Arabisch
Voasitznda vom Rod	A. bin Rashid Al Zayani
Flächn  - Gesamt	3.199.940 km²
Bvejkarung  - Gesamt	39.371.307
BIP  - Gesamt	956 Milliarden US-$
Grindung  - Als The Gulf Cooperation Council (GCC)	25. Mai 1981
Währunga	Jeda Stod hod sein eingne Währung. (Gmeisame Währung Chalidschi is bland)
Internet Domain	Jeda Stod hod sein eingne Domain.
Vorwahl	Jeda Stod hod sei eingne Voawoi

Da Kooperationsrod vo de Arabischn Staatn vom Goif (arabisch مجلس التعاون لدول الخليج الفارسی‎, Umschrift: Maǧlis at-taʿāwun li-duwal al-ḫalīǧ al-ʿfarsiyya), a ois Goif-Kooperationsrod bekannt, is a Staatnbund, vo sechs Staatn auf da Arabischn Hoibinsl. Grind won isa am 25. Mai anno 1981 z Abu Dhabi duach an Kuwait, Bahrain, Saudi-Arabien, Katar, de Vaeinigtn Arabischn Emirate und am Oman.^[1]

D Oaganisation strebt d Zammoabad vo eanane Mitglieda a da Außn- und Sichaheidspolidik sowa a d Föadarung vo da wiadschaftlichn und gsejschaftlichn Beziehung zwischn eana a. Auf 2005 hamds a Zollunion bschlossn, de is oba scha auf 2003 voazong won. Bis 2010 wa d Eifiarung vo arana gmeinsama Währung voagseng.

D Mitglieda hand zu am Beistand am Vateidungsfoi vapflicht. Da GCC undahoid a gemeinsame Vateidigungstruppn, de oba grod 5.000 Mana stoag is. Da GCC koobariad recht stoag mid de USA, zwecks am Schutz gengan Iran.

Fia d Eiropäische Union is d GCC-Region vo arana strategischn Bedeitung. Da GCC is da wichtigste Handlspartna vo da Union a da arabischn Wejd. Auf eam foind eba d Hejftn vom ganzn Handl mid arabische Staatn und um de 4 Brozent vo da Gsamtausfua vo da Eiropäische Union in Drittlända.

1. ↑ vgl. Pradhan, Prasanta Kumar: The GCC–Iran Conflict and its Strategic Implications for the Gulf Region, in: Strategic Analysis, Vol. 35, No. 2, März 2011, S. 265.